إصطباحة

النهاردة الصبح أفتكرت الفيلم ده، فتحته أفتكره، عديت علي المشهد ده اللي ضحكني قبل كدة و عجبني جداً. دورت عليه علي يوتيوب و لقيته 7 مشاهدات فقط !..مش لمجرد أنه فيلم لبن أفليك اللي معظم الناس مش بتحبه، بل لأنه فيلم بيتكلم عن الشغل، و الوظائف، و الشركات الكبيرة اللي ممكن تمشيك في أي لحظة، مع أنك بتقضي فيها عمرك كله تقريباً شغال عشانهم.

الفيلم ممكن يكون ممل شوية، و أكيد أكيد يعني مفيهوش تسلية..لكن فيه حميمية غريبة، خصوصاً أنه بيتكلم عن حاجة شاغلاني جداً، و كمان مليان رسايل مُبطنة جوه مشاهده. ده غير طبعاً أنه جمع بن أفليك، مع تومي لي جونز، و كريس كوبر، و كيفن كوستنر. و إخراج جون ويلز الراجل اللي أنتج حلقات عظيمة من مسلسل ER. 

المشهد مش هيتفهم ألا لو كنت شفت الفيلم..بس متهيألي ممكن تستمتع بيه حتي لو مكنتش شفته..بصة كيفن كوستنر كأنه بيقول ايه العيال المجانين دي.




بوستر الفيلم اللي أنا شايفه عبقري