الجميل العجيب "صاحب البصمة". آرون سوركين اللي بتجنني كتابته، لدرجة الإحساس بعدم واقعية أي كاتب تاني، من فرط شدة قربه من شخصياته. عوالمه عجيبه جاذبيتها في أنها "مش جذابة" في الأول، لكن بعد كدة بتدوب في غرامها، و بيعودك تحبها بطريقته. دايماً يبدأ من النص كأنه بيقطم من وسط الحبل، و يخش في الموضوع من غير تمهيد ولا تعريف بالشخصيات. و عيش أنت بقي.
بشوف له دلوقتي "The West Wing" و "Studio 60" اللي هو عملهم -حرفياً- كمسلسلات غير جماهيرية، قبل ما ينط لعالم السينما النطة الكبيرة. و برغم إنهم فيهم حاجات تانية كتير تتكلم عليها، و تحللها زي ما أنت عايز، إلا أني مبهور بالكتابة بس. المسلسلين دول كتابة بس، و قبل أي حاجة تانية.
سواء ساركن - زي ما بكتبها في سكريبتيشن- أو سوركين - زي ما بيقولوا- فهو برنس.
ليست هناك تعليقات:
إرسال تعليق