الأحد، 26 سبتمبر 2010

first sketch

بدأت الدراسة طبعاً وقسم اربان ديزاين يكشر عن أنيابه الدنيئة من أولها..أول سكتش عملته بسرعة جداً..a really quick draft ..مما أدي ان فيه أخطاء كتير منها الضل وعدم الدقة..ساهم في كدة البرد الشنيع اللي أصابني جمعة وسبت مما قضي علي آمالي في إنجاز شئ ما. 
علي كل حال دوسوا علي الصورة عشان تشوفوها بشكل أوضح، وعايز رأيكو...they didn't really like it a lot in the school.
الحياة بقت رخمة اوي..الواحد بقي حاسس انه في عد تنازلي نحو نهاية العالم..ما بين صعوبة هاندله handling الكلية وصعوبة القسم والمشاريع في الوقت الحالي، وما بين القيام والبحث عن أعمال freelancing في كذا مجال عشان المصاريف، وما بين كابوس الجيش اللي بيفكرني بالجاثوم اللي راقد علي سدري، وطبعاً في الوقت ده مفيش وقت لأي فن أو مرح من أي نوع..حتي صفحة الكوميكس اللي قلت هرسمها كل أسبوع مش عارف هلاقيلها وقت ولا لا.
وطقم المسلسلات المحترم اللي في البوست اللي فات كانسلت معظمه تقريباً ماعدا The Office, Dexter. اخر فيلم شفته Frozen فيلم رعب محترم جداً هتشوفوا ريفيو ليه قريب علي سكريبتيشن. 
بمناسبة سكريبتيشن صحيح هي عاملة شغل كويس..حتي الان حوالي 90 لايك علي الفيس بوك..لا بأس في شهر ونص خصوصاً ان فيه ناس مانعرفهمش إطلاقاً..فيه كمان ناس حطت لينك المدونة في مدوناتها..ناس منعرفهمش وده شئ لا بأس بيه..بس لسه خطوات كتير..نفسي نوصل لألف معجب خلال أول سنة..ونفسي نموذج الربح عن طريق الإعلانات يشتغل بقي. ونبيع إعلانات في المدونة. 
عندي فكرة موقع تاني لبيع المناظر المعمارية والمشاريع لطلبة هندسة وتخطيط في الجامعات المصرية..بدل الناس ما تروح مكاتب وتدفع ألوف عشان يعملولهم مشروع، يدخلوا الويب سايت ويعملوا اوردر وأكيد الأسعار هتبقي أرخص والتواصل هيبقي مباشر، ده غير الجودة مفيهاش كلام...وأهي برضة وسيلة للفري لانسينج واستغلال المهارات يمكن تساعد.
لو مفيش متغيرات جديدة ظهرت الفترة اللي جايه..احتمال كبير انفذ المشروع ده في يناير الجاي. 
عندي مشاريع سحل في الفترة الجاية..مشروع تصميم حاجات كتير كدة في قطعة ارض في الساحل الشمالي..ومشروع تاني أسحل في لاندسكيب لسه مشفتش الشيت بتاعه..وطبعاً زفت دي مشروع بحثي عشان نشوف هنعمل مشروع تخرج ايه. ولا ننسي ارتقاء علي سبيل المزاح..المادة الوحيدة تقريباً اللي هيبقي فيها مزاح التيرم ده..كويس اني اخدت ارتقاء بدل تفصيلي..مش ناقصة ستاف قسم مدن كمان. كفاية اللي احنا فيه الله يخليكوا. 
يا رفاق..أحمد مجدي كما تعرفوه قد لا تقابلوه مرة أخري..إنها سنة التخرج!..الجزء الأخير من الفيلم الغنائي "تخطيط عمراني ميوزيكال"..سيزون فينال وسلم لي علي فيليب نويس..اشمعنا فيليب نويس؟..بيعجبني الأكشن بتاعه..أحسن واحد يصور لك مطاردات وضرب نار وحراس خاصين..كمان..
يانهار أسود الساعة أربعة صباحاً..

الخميس، 9 سبتمبر 2010

a quick tv report

never found a decent website for listing and ranking user's favorite tv shows..something more like Goodreads for tv shows or whatever..anyway here's my list for this period..I think it's appropriate for Eid :d happy Eid for you all :
  1. The Office S02 "for the second time"
  2. Chuck S01
  3. Curb your Enthusiasm S01
  4. Dexter S02
  5. Weeds S02
  6. Sons Of Anarchy S01
  7. Mad Men S01
  8. Melrose Place S01 "crappy show!"
  9. How i met your mother S02
  10. The Listener S01 "awful show!"
BTW...D-U-C-K Twitter !

الأربعاء، 8 سبتمبر 2010

كوميكس وكلام في الفن

أمر بأزهي فترات اهتمامي بفن الكوميكس والذي أري انه أرقي أنواع الفنون علي الإطلاق..إنه سينما كل فنان الخاصة..حلم إدارة وإخراج الكادرات والتحكم التام في الممثلين. حلم القصة المصورة هو قمة نشوة الفنان، وذورة أورجازمه. في الفترة الأخيرة التهمت الكثير جداً من الكوميكس..وخلب لبي بالتحديد سكوت بيلجريم الكندي، حتي انني طوال خمسة أيام تقريباً فرغت كل مجلاتي القديمة علاء الدين وماجد وبلبل (لم ألحق تان تان للأسف) وقرأت كل الكوميكس التي تربيت عليها من جديد. بل والأدهي بدأت بشف الكادرات التي تعجبني علي شفافة بالرصاص، وتحبيرها..أجمل شئ ان الأدوات كانت لدي ومتاحة فلا تنسوا انني مهندس أساساً. وعلي مدار ليلتين متتاليتين بعد ذلك تكونت بذرة أول قصة كوميكس أفكر فيها بدماغي..في البداية بدأت برسم شخصيات قصتي "البتاعة"..ومن لا يعرف البتاعة منكم فهي قصة هشارك بيها في مسابقة الطيب صالح للرواية في أكتوبر، كتبت منها ستة فصول نشرت منهم ثلاثة علي الفيس بوك..وطبعاً محدش هيعرف يقراهم غير اللي ضايفني، وطبعاً مش هنشرهم تاني دلوقتي عشان فاكس..يبقي فاكس اننا ننشر حاجات مهمة ع الفيسبوك ولا لا؟..المهم بعد ذلك بدأت الأفكار تهاجمني بشراسة بتفاصيل أول قصة كوميكس أفكر فيها في حياتي..قصة شبابية طويلة بتحكي عن أربع شباب أصحاب بيدرسوا في كلية واحدة..والبطل الرئيسي فيها شاب حالم مجنون عاشق للسينما ونفسه يبقي مخرج أفلام، والباقيين كل واحد ليه حاجة بتميزه..ومغامراتهم بقي..بدأت أفكر في الأسماء-اللي هتبقي غريبة بحق!- والأحداث وحتي الحوار-اللي هيبقي بالانجليزي عشان لغتي العربية العامية مش بتساعدني أبُدع، وربنا يسامحني علي الحوار في "البتاعة" وكمان عشان الانجليزي الامريكي كول ومناسب لطبيعة الفكرة- ومش بس كدة كمان بدأت أرسم كادرات!..طبعاً زي الزفت بس قشطة..اكتشفت اني مع كتر الممارسة هستفيد كمان في رسم اللاندسكيب -متنسوش ان فيه سحلة لاندسكيب السنة الجاية في الكلية!- كتر وفشل المحاولات خلاني اجرب اتفرج واقرا حاجات كتير..شفت حاجات براين لي اومالي التانية..شغله specific اوي ومناسب للدراما لكنه مش مرعب او Noir زي اللي بحلم بيه..الوحيد اللي بيرسم Noir في مصر تقريباً وعجبني شغله اوي هو مجدي الشافعي..هموت واقرا "مترو" لو حد من اصحابي قرا الكلام ده وعنده الرواية يبعت فوراً..المهم بقي اكتشفت مع التدوير والتقليب ان البلد فيها رسامين كوميكس فشيخين غير مجدي الشافعي..متهيألي مشكلتهم انهم معندهمش وقت من كتر شغل الستربسات الكوميدي في صحف المعارضة..الموضوع دخل فيه الرزق ولقمة العيش..بس وحياة ابوكو : حاولوا تشتغلوا بره الستربسات..عايزين ام رواية مصورة مصرية طويلة.
موضوع تاني علي سيرة الكوميكس كنت لسه بتفرج من شوية علي فيلم صراع في الميناء إخراج يوسف شاهين..الفيلم صورته قاتمه لدواعي القدم وضعف الإمكانيات زمان، لكن الغريب ان ده حسسني ان الفيلم شبه الكوميكس الـ Noir !! معرفش حد خد باله ولا لا قبل كدة..بس فعلا المشاهد الليلية الداخلية بالذات كانت شبهها اوي..لو حد شاف Sin City هيفهم قصدي..طبعاً المستوي التمثيلي لفاتن حمامة، والتناطح المثير بين عمر الشريف وأحمد رمزي -اتنين من أفشخ دون جوانات العالم علي ما أظن- يخليني أسب وألعن في أم ده جيل منيل بستين نيلة..جيل مفيهوش ممثل حقيقي يملا العين والقلب وتخرج مبسوط بعد فيلمه حاسس ان روحك المعنوية ارتفعت غير خالد النبوي. يعني هم زمان كان عندهم أقل وأضعف الإمكانيات وكانوا بيعملوا فيلم زي ده..ودلوقتي في 2010 مش عارفين نعمل فيلم واحد ميكونش فيه غلطة فنية!..بقول غلطة فنية مقولتش لا دراما ولا تمثيل.
أول مرة أكتب بالعامية تقريباً في المدونة دي؟..يلا مش مشكلة..عايزين نخلي المدونة دي مُعبرة عن صاحبها أكتر منها مدونة رسمية..يلعن أبو التدوين الأحترافي يا جدع!